თბილისში, მშობიარობის შედეგად 41 წლის ქალი გარდაიცვალა. არსებული ინფორმაციით, შემთხვევა დღეს კლინიკა „ჰერაში” მოხდა. გარდაცვლილი თამუნა მინაშვილია.
მშობიარეს საკეისრო კვეთა ჩაუტარდა. ახალშობილები გადარჩნენ, მათი მდგომარეობა დამაკმაყოფილებელია.
„პრაიმტაიმი“ დეტალების გასარკვევად ექიმს დაუკავშირდა, რომელმაც გარდაცვლილს ოპერაცია გაუკეთა. მისი თქმით, მომხდართან დაკავშირებით კომენტარს ხვალ გააკეთებენ.
კლინიკა „ჰერაში” მშობიარე ქალის გარდაცვალების ფაქტზე გამოძიება დაიწყო. როგორც “პრაიმტაიმს” შსს-ში განუცხადეს, გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს
კომენტარები