რამდენად ეფექტიანია ხელისუფლების ქმედებები ოკუპაციის პროცესის წინააღმდეგ – რუსეთ-საქართველოს ომის მე-12 წლისთავზე ამ თემასთან დაკავშირებით პოლიტიკურ სპექტრში განცხადებები კეთდება.
ოპოზიციის კრიტიკას, რომ “ქართული ოცნების” ხელისუფლებაში ყოფნის დროს ოკუპაციის საკითხმა საერთაშორისო ასპარეზზე აქტუალობა დაკარგა, არ ეთანხმებიან მმართველ გუნდში. ვიცე-სპიკერი გიორგი ვოლსკი ამბობს, რომ ქვეყანა მიხეილ სააკაშვილის დანაშაულებრივ შეცდომებს იმკის:
“საერთაშორისო თანამეგობრობა ჩართული იყო იმ პროექტის შემუშავებაში, დაფინანსებაში და პოლიტიკურ მხარდაჭერაში,. რომელსაც უნდა გავეყვანეთ საბოლოო ჯამში კონფლიქტის პოლიტიკურ მოგვარებამდე, სამწუხაროდ სააკაშვილის ხელისუფლებამ არ იღო ეს ყურად და ბევრი არათუ შეცდომები, არამედ დანაშაულებრივი შეცდომები დაუშვა. დღეს ამ შეცდომებს ვიმკით. აი ეს ინტენსიური ზეწოლა მთელი მსოფლიოსი, ეს მსოფლიო მასშტაბის დაპირისპირებაში საქართველოს პოზიცია არათუ უნდა შეიცვალოს, არამედ უნდა გაძლიერდეს,” – განაცხადა გია ვოლსკიმ.