კომპანია „ზეგის“ ადვოკატმა, მამუკა ჭაბაშვილმა მოსამართლის მიერ გამოტანილი განჩინება თბილისის საქალაქო სასამართლოში გაასაჩივრა. საუბარია განჩინებაზე, რომლის მიხედვითაც კომპანიის ხუთი თანამშრომლის ბინაში ჩხრეკა ჩატარდა. ადვოკატის განმარტებით, ანჩინებაში არ იყო დასაბუთებული, თუ რა კავშირში იყო თანამშრომლების ბინების ჩხრეკა საქმესთან.
“ჩვენთვის ცნობილია, რომ გუშინ კომპაია „ზეგის“ რამდენიმე თანამშრომლის ბინაში ჩხრეკა ჩატარდა. ეს განჩინება პირველი აგვისტოთი იყო დათარიღებული. შვიდ აგვისტოს ჩაატარეს ჩხრეკა, მაგრამ ამ განჩინებაში დასაბუთება ვერ ვნახეთ, იქ ფაქტობრივი მოთხოვნები ამ პირებთან მიმართებით არაფერი იყო მითითებული. თანამშრომლებიდან, რომელთა ბინებშიც ჩხერეკა ჩატარდა, ერთი დირექტორია, მეორე ამ ფირმის დამფუძნებელი, მაგრამ დანარჩენები რის მიხედვით შეარჩიეს, ვერ გეტყვით.
ყველაფერი მივაწოდეთ გამოძიებას და თუკი რაიმეს ნახავენ, მზად არის ეს ხალხი პასუხი აგოს, მაგრამ დამერწმუნეთ, ვერაფერს ნახავენ,” – აცხადებს ადვოკატი მამუკა ჭაბაშვილი.