თბილისის მერმა „იმედის კვირის“ ეთერში განაცხადა, რომ უახლოეს მომავალში სხვა ქუჩების სარეაბილიტაციო სამუშაოებიც იგეგმება.
კახა კალაძის თქმით, ჭავჭავაძის გამზირის რეაბილიტაციის შემდეგ, განახლდება თამარაშვილის და მელიქიშვილის ქუჩებიც.
მისივე განცხადებით, აღნიშნული პრინციპით ქუჩების რეაბილიტაცია და მსგავსი სატრანსპორტო პოლიტიკა თბილისისთვის სასიცოცხლოდ მნიშვნელოვანია.
„ჩვენ მხოლოდ ჭავჭავაძის გამზირის რეაბილიტაციით არ შემოვიფარგლებით, ეს არის პირველი ქუჩა, საიდანაც დავიწყეთ. ამას მოჰყვება თამარაშვილის ქუჩების ამსვლელ-ჩამომსვლელის მოწყობა. სარეაბილიტაციო სამუშაოები იქნება მელიქიშვილის ქუჩაზე, კოსტავას ქუჩა, რუსთაველის გამზირზე, ქეთევან წამებულზე და ასე შემდეგ. მე ძალიან კარგად მესმის, რომ ეს არაპოპულარული ნაბიჯია, მაგრამ როგორც ქალაქის მერი, ვიღებ პასუხისმგებლობას ჩემ თანაგუნდელებთან ერთად, რომ ეს არის სწორი ნაბიჯი და ქალაქისთვის, თბილისისთვის და თბილისელებისთვის სასიცოცხლოდ მნიშვნელოვანია“, – განმარტავს კახა კალაძე.