სოფელი ლენჯერი სრულად ჩაიკეტა. სვანეთში ინფიცირებულთა რაოდენობა იზრდება. დღეს გამოვლენილი 14 შემთხვევიდან 12 სწორედ სვანეთიდანაა. სულ რეგიონში 30 შემთხვევაა. სვანეთში მესამე დღეა მკაცრი საკარანტინო რეჟიმი მოქმედებს, სიტუაციას სამართალდამცველები აკონტროლებენ.
“12 ახალი შემთხვევა ისევ ლენჯერის თემს უკავშირდება, საგანგებო შტაბმა მიიღო გადაწყვეტილება, რომ ლენჯერის თემში მოძრაობა გამკაცრდეს. ეპიდემიოლოგები მუშაობენ, გვინდა მათ სრული მოსახლეობა მოიცვან და გამოიკვლიონ. გაჟღერდა ვერსია, რომ თითქოს სასურსათო დეფიციტი იყო ლენჯერის მუნიციპალიტეტში რაც საერთოდ არ შეესაბამება სიმართლეს,”- აცხადებს სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი.
მომდევნო დღეებში გაირკვევა სრულად ჩაიკეტება თუ არა მესტიაც.
კომენტარები