ამ ვირუსს აქვს თავისი მახასიათებელი, რომელიც უკვე შესამჩნევია, – ამის შესახებ ჯანმრთელობის დაცვისა და სოციალურ საკითხთა კომიტეტის თავმჯდომარემ „დღის ქრონიკაში“ განაცხდა.
დიმიტრი ხუნდაძის თქმით, იქ, სადაც კორონავირუსის მოსალოდნელ საფრთხეს სათანადო სერიოზულობით არ აღიქვამენ, ზიანი მაღალია, იმ შემთხვევაში კი როცა საზოგადოება სპეციალისტების რეკომენდაციებს ითვალისწინებს, ზიანი მინიმალურია.
„იქ, სადაც მის ნეგატიურ ზეგავლენას, მოსალოდნელ ხიფათს არ ითვალისწინებენ, იქ, რა თქმა უნდა, ზიანი უფრო მეტად მნიშვნელოვანია. სადაც რეკომენდაციები არის დროული და გათვალისწინებული, ასევე საზოგადოების მხრიდან დამყოლობა, იქ, რა თქმა უნდა, ზიანი არის მინიმალური. ასე რომ, ჩვენ ვიცით უკვე როგორ უნდა მოვიქცეთ, უბრალოდ უნდა შევასრულოთ ის, რაც უკვე ვიცით და რაც უკვე გამოცდილია. უნდა დავიცვათ ფიზიკური დისტანცირება. ნიღაბი უნდა გახდეს ყოველდღიური ატრიბუტი, რამეთუ, ეს უკვე დადგენილია, ეს არის ყველაზე მნიშვნელოვანი იარაღი იმისთვის რომ დავიცვათ როგორც საკუთარი, ასევე სხვისი ჯანმრთელობა“, – განაცხადა ხუნდაძემ.
ამ დროისთვის საქართველოში კორონავირუსის 3913 შემთხვევაა დადასტურებული, გამოჯანმრთელებულია 1574 ადამიანი, 23 პაციენტი კი გარდაცვლილი. უცხოეთიდან სამკურნალოდ გადმოყვანილია საქართველოს 41 მოქალაქე.