უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილის, ბერდია სიჭინავას ინფორმაციით, კორონავირუსის 1 194 ახალი შემთხვევიდან 425 თბილისში, 193 აჭარაში, 372 იმერეთში გამოვლინდა.
დანარჩენი შემთხვევები სხვა რეგიონებზე ნაწილდება.
„დღეის მდგომარეობით, ბოლო 24 საათში გვაქვს 1 194 ახალი შემთხვევა, ხოლო ქვეყნის მასშტაბით, ჯამური რაოდენობა შეადგენს 19 857 პირს. მათ შორის, ბოლო 24 საათის განმავლობაში გამოჯანმრთელებული ადამიანების რიცხვი არის 328, ხოლო ჯამური მაჩვენებელი 8 666. დღეს გამოვლენილი 1 194 შემთხვევიდან, თბილისში გვაქვს – 425, აჭარაში – 193, იმერეთში 372, – გურიაში – 21, სამეგრელო-ზემო სვანეთში – 27, ქვემო ქართლში – 53, შიდა ქართლში – 64, მცხეთა-მთიანეთში – 18, კახეთში – სამი, რაჭა-ლეჩხუმსა და ქვემო სვანეთში – ცხრა, სამცხე-ჯავახეთშიც ცხრა“, – განაცხადა ბერდია სიჭინავამ.