უნგრეთი შესაძლოა ევროკავშირის პირველი ქვეყანა გახდეს, რომელიც ჩინური ვაქცინის, CoronaVac-ის გამოყენებას დაუშვებს. ამის შესახებ ინფორმაციას CGTN-ი ავრცელებს.
კომპანია Sinopharm-ის მიერ წარმოებული ვაქცინის დარეგისტრირებისკენ ადგილობრივ რეგულატორებს ქვეყნის პრემიერ-მინისტრმა მოუწოდა. ვიქტორ ორბანმა ევროკავშირის მიერ შემუშავებული ვაქცინაციის გეგმის გამო უკმაყოფილება გამოთქვა და განაცხადა, რომ საკმარისი რაოდენობის ვაქცინის ქონის შემთხვევაში უნგრეთში დღეში ნახევარი მილიონი ადამიანის აცრა გახდებოდა შესაძლებელი.
„ჩვენ არ შეგვიძლია უფრო მეტი ადამიანის აცრა, არა იმიტომ, რომ ამის შესაძლებლობა არ გვაქვს, არამედ იმიტომ, რომ საკმარისი ვაქცინა არ გვაქვს,“ – აღნიშნა ორბანმა.
კომენტარები