საქართველოს პრეზიდენტი სალომე ზურაბიშვილი სამეზობლო პოლიტიკისა და გაფართოების საკითხებში ევროკომისარ ოლივერ ვარჰელს შეხვდა.
შეხვედრის შესახებ ევროკომისარმა „ტვიტერის“ საკუთარ გვერდზე დაწერა და აღნიშნა, რომ სალომე ზურაბიშვილთან წარმატებული შეხვედრა შედგა.
„დადასტურებულია, რომ ევროკავშირი „კოვიდ-19“-თან ბრძოლაში საქართველოს გვერდში უდგას, მათ შორის ვაქცინის ადრეული ხელმისაწვდომობის საკითხში. ჩენ აგრეთვე მხარს დავუჭერთ ეკონომიკურ განვითარებას და აღდგენას. კავშირს ამ კონტექსტში გადამწყვეტი მნიშვნელობა აქვს“, – წერს ევროკომისარი.
„ტვიტერის“ ოფიციალურ გვერდზე შეხვედრას გამოეხმაურა საქართველოს პრეზიდენტი, სალომე ზურაბიშვილიც. ზურაბიშვილმა ვარჰელს ნაყოფიერი შეხვედრისთვის მადლობა გადაუხადა.
„აღდგენისკენ მიმავალი გზა სოლიდარობაზეგადის. მოხარული ვარ, რომ საქართველოს, როგორც ევროპის ერთ-ერთ უახლოეს პარტნიორს, შეუძლია, ევროკომისიის მხარდაჭერის იმედი ჰქონდეს“, – წერს პრეზიდენტი.