თბილისის მერი კახა კალაძე ნიკა მელიას დაკავებას ეხმაურება.
“პირველი, რაც მინდა ვთქვა, საბედნიეროდ, აყვანის ღონისძიების დროს არავინ დაშავებულა, რაც ძალიან მნიშვნელოვანია. სამწუხაროდ, დღევანდელმა დღემ აჩვენა, რომ ოკუპაციის 100 წლისთავზეც კი ჯერ კიდევ არ ვართ შეთანხმებული ელემენტარულ სახელწმიფოებრივ პრინციპებზე. სამწუხაროდ, ჯერ კიდევ არ გვაქვს გაჯერებული კანონის პატივისცემა, რაც ავტომატურად იწვევს ერთმანეთის და სახელმწიფოს უპატივცემულობას. ზოგადად, ახლაც და მომავალშიც დიალოგს და ნორმალურ, ცივილიზებულ ურთიერთობას არ აქვს ალტერნატივა. ერთადერთი, რაც ყველაზე დიდი პრობლემაა პოლიტიკური პარტიებისთვის, სახელმწიფოსთვის, ჩვენი ქვეყნის განვითარებისთვის, წინსვლისთვის, მომავალზე ფიქრისთვის, ეს არის რადიკალიზმი და რადიკალიზაცია, რაც უნდა დასრულდეს ამ ქვეყანაში.
კიდევ ერთხელ ვიმეორებ, ჩვენი გუნდის მთავარი ამოცანა, მიზანი არის რაც შეიძლება სწრაფად გავხდეთ იმ დიდი ოჯახის წევრი, რასაც ევროპა ქვია, ეს არის არასწორი, რომ ჩვენ გადავუხვიეთ ამ გზას, რეფორმები, რომელიც განსახორციელებელია, აუცილებლად განხორციელდება” – წერს კალაძე.