კორონავირუსის ნული შემთხვევა – ახალმა ზელანდიამ ვირუსი დაამარცხა და ავსტრალიასთან საზღვარს ხსნის.
ახალ ზელანდიაში კორონავირუსი საზოგადოებაში უკვე დიდი ხანია აღარ ვრცელდება. ქვეყანაში ბოლო 24 საათში 17 შემთხვევა მხოლოდ საკარანტინო სივრცეში გამოვლინდა.
მათ შორის არიან მოგზაურები ინდოეთიდან, ინგლისიდან, ამერიკის შეერთებული შტატებიდან, ეთიოპიიდან და ფილიპინებიდან.
ახალი ზელანდიის პრემიერმინისტრის განცხადებით, ის საზღვარს ნაწილობრივ ხსნის და ქვეყანაში შესვლის საშუალება მოგზაურებს ავსტრალიიდან ექნებათ. ცვლილების მიხედვით, ავსტრალიიდან ახალ ზელანდიაში ჩამსვლელებს აღარ ექნებათ 14 დღიანი კარანტინის ვალდებულება, მათ არც კოვიდსაწინააღმდეგო ვაქცინაციას მოთხოვენ.
12 აპრილიდან ფრენები ოკლენდიდან, სიდნეიდან, ბრისბერნიდან და მელბურნიდან აღდგება.
მოსახლეობა პრემიერის ინიციატივას სიფრთხილით შეხვდა და ამბობს, რომ აღნიშნულმა ცვლილებამ, მოგზაურების მიღებასთან დაკავშირებით, შესაძლოა ქვეყანაში კოვიდშემთხვევები გააჩინოს.