ჩვენი ქვეყნისთვის არის სწორი გზა, რომ ერთის მხრივ, ეკონომიკური ზრდა შევინარჩუნოთ, ასეთი ზრდა ბევრგან არ არის და მეორეს მხრივ, ის, რომ ჩვენ მოვახერხეთ, ასეთი რაოდენობის ვაქცინების შემოტანა, ვფიქრობ, რომ ძალიან კარგი და სასიხარულო ამბავია, – ამის შესახებ პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.
მისივე თქმით, ამ ყველაფერს სწორი გამოყენება და მოსახლეობასთან სწორი ახსნა სჭირდება.
„კიდევ ერთხელ მინდა ვთქვა, რომ ეკონომიკის შენარჩუნების გზა ვაქცინაციაზე გადის და ზოგადად ამ სიტუაციის გადარჩენის გზა. ქვეყანა ვეღარ გაუძლებს ჩაკეტვებსა და შეზღუდვებს. ამიტომ, ერთის მხრივ, ჩვენ უნდა ვმართოთ სიტუაცია და ასევე, ხელი შევუწყოთ ეკონომიკის აღდგენასა და ზრდას. ეს ნიშნავს მეტ დასაქმებას, მეტ კეთილდღოებას ჩვენი მოქალაქეებისთვის“, – განაცხადა ირაკლი ღარიბაშვილმა.