ჩემთვის დიდი პატივი იყო ანგელა მერკელთან მუშაობა, – ასე გამოეხმაურა საქართველოს პრეზიდენტი, სალომე ზურაბიშვილი ანგელა მერკელის 16-წლიანი კანცლერობის დასრულებას.
„ჩემთვის დიდი პატივი იყო ანგელა მერკელთან მუშაობა იმ წლებში, როდესაც ის კანცლერის მოვალეობებს ასრულებდა. ეს ის პერიოდია, როდესაც საქართველოსა და გერმანიას შორის კავშირები ექსპონენტურად გაიზარდა. მისი როლი ევროპის გაძლიერებაში კარგად დაგვამახსოვრდება და ვიმედოვნებ, რომ ის გააგრძელებს ქალი ევროპელი ლიდერების მომავალი თაობის შთაგონებას“, – დაწერა საქართველოს პრეზიდენტმა Twitter-ზე.
მანამდე სალომე ზურაბიშვილმა ოლაფ შოლცს გერმანიის კანცლერის თანამდებობაზე არჩევა მიულოცა.
დღეს ბუნდესტაგმა გერმანიის ახალ კანცლერად ოლაფ შოლცი აირჩია. ოლაფ შოლცის კანდიდატურას მხარი 395-მა დეპუტატმა დაუჭირა.
კომენტარები