თურქეთი არის ნატოს ღირებული პარტნიორი. მე ვარ დარწმუნებული, რომ კონსენსუსამდე აუცილებლად მივალთ და ფინეთს, რომელსაც სურს ნატოში გაწევრიანება ორგანიზაციიდან მხარდაჭერა ექნება, ამის შესახებ სლოვაკეთის საგარეო საქმეთა მინისტრმა, ივან კორჩოკმა ბერლინში, ნატოს საგარეო საქმეთა მინისტერიალის დაწყებამდე განაცხადა.
„სლოვაკეთი მიესალმება და მხარს უჭერს ფინეთის სურვილს. ვეძებთ გზებს კონსენსუსისთვის, რათა როგორც გითხარით პოზიტიური პასუხი გვქონდეს ფინეთისა და შვედეთის გეგმებზე“, – განაცხადა ივან კორჩოკმა.
გერმანიაში ნატოს წევრი ქვეყნების საგარეო საქმეთა მინისტრების შეხვედრა მიმდინარეობს. მინისტრებმა უკრაინისთვის მხარდაჭერასა და მადრიდის სამიტზე მისაღებ კონცეფციაზე უნდა იმსჯელონ. მინისტერიალის პირველ დღეს დიპლომატები შეხვდნენ კოლეგებს ფინეთიდან და შვედეთიდან. ფინეთი აპლიკაციის წარდგენას მომავალ წევრობაზე ხვალ აპირებს.