„ისინი არიან პრაქტიკულად, აყოლილი იმ კამპანიას, რომელსაც აწარმოებს რადიკალური ოპოზიცია, როდესაც არავითარი მტკიცებულება არ არსებობს იმისა, რომ ბიძინა ივანიშვილი არის რაიმე ფორმით ჩართული პოლიტიკურ პროცესებში“, – ასე უპასუხა „ქართული ოცნების“ თავმჯდომარემ ირაკლი კობახიძემ შეკითხვას, პარტია „გირჩის“ და „მოქალაქეების“ ინიციატივაზე ქართულ პოლიტიკაში ბიძინა ივანიშვილის დაბრუნების და სააკაშვილის წასვლის შესახებ.
როგორც კობახიძემ აღნიშნა, „გირჩი“ და „მოქალაქეები“ ამ ინიციატივით აკეთებენ მინიშნებას, ბიძინა ივანიშვილის ქართულ პოლიტიკაში ჩართულობის შესახებ.
„პრაქტიკულად, მინიშნებას აკეთებენ ამ განცხადებით. ეს არის, რა თქმა უნდა, მიუღებელი. რაც ნაკლებად აჰყვებიან, ეს პარტიები, რადიკალური ოპოზიციის დღის წესრიგს, მით უკეთესი იქნება მათთვის. სადამდე მიიყვანა საკუთარმა დღის წესრიგმა რადიკალური პარტიები, ყველა ხედავს“, – განაცხადა ირაკლი კობახიძემ.