სახელმწიფო უწყებები პასუხისმგებელი არიან ვითარების კონტროლზე და ახლა ვითარება თავიდან ბოლომდე კონტროლქვეშაა. რა თქმა უნდა, ჩვენთვის ფუნდამენტურად მნიშვნელოვანია, რომ იმ ადამიანების ინტერესები იყოს დაცული, რომლებიც ცხოვრობენ რუსეთში და საქართველოდან არიან წასული, – ამის შესახებ ჟურნალისტებთან პარტია „ქართული ოცნების“ თავმჯდომარე, ირაკლი კობახიძემ განაცხადა.
მისივე თქმით, ყველა საკითხი აწონ-დაწონილი უნდა იყოს, ეს არის სახელმწიფო უწყებების საქმე და ისინი მუშაობენ პასუხისმგებლობით.
„სრული კონტროლია უზრუნველყოფილი იმისთვის, რომ იყოს დაცული ერთის მხრივ, ადამიანების ინტერესები და მეორეს მხრივ, ჩვენი ეროვნული უსაფრთხოების ინტერესი. ჩვენი თანამოქალაქეები მრავლად ცხოვრობენ რუსეთში და მათაც აქვთ ინტერესი, რომ შემოვიდნენ საქართველოში. აქედან გამომდინარე, საზღვრის ჩაკეტვა სწორი არ იქნება და და პირველ რიგში, ქართველების ინტერესებს დააზიანებს, რომლებიც რუსეთში ცხოვრობენ“, – განაცხადა კობახიძემ.