ბრიფინგების ფორმა შიდა პარტიაში – ვიღაცას მოსწონს, ვიღაცას – არა. მე სხვანაირად შემიძლია კომუნიკაცია და ვისურვებდი, იმ ფონზე, როდესაც ჩვენ ყველას ძალიან კარგი ურთიერთობა გვაქვს ერთმანეთთან, კოლეგიალური, – ამის შესახებ „ნაციონალური მოძრაობის“ წევრმა ბაჩო დოლიძემ განაცხადა.
„შესაბამისად იმის პრობლემა არ არის, რომ ერთმანეთს ცოტა სხვა ფორმით ვეკონტაქტოთ. ფორმებთან დაკავშირებით დიდი ხანია ვერ ვთანხმდებით, მე ჩემს პოზიციაზე ვარ, ჩემი მეგობრები სხვა პოზიციაზე არიან. ასე რომ, სამწუხაროა ეს ყველაფერი, მაგრამ მოცემულობაა“, – აღნიშნა დოლიძემ.
„ნაციონალურ მოძრაობაში“ დაპირისპირება მწვავდება. ახალი თავმჯდომარის ასარჩევად ერთი პარტიის წევრები ერთმანეთს მედიის საშუალებით ესაუბრებიან. პარალელურად პარტიის წევრები აქტიურად საუბრობენ მიხეილ სააკაშვილის ჯანმრთელობის მდგომარეობაზე, მაშინ როცა ოჯახის მოთხოვნა საპირისპიროა.