რამდენიმე დღის წინ ვენეციის კომისიისა და ეუთო ოდირის ერთობლივი დასკვნის წინასწარი პროექტი მივიღეთ, რომელშიც ასახულია ძალიან ბევრი პოზიტიური სიგნალი იმ ცვლილებებთან დაკავშირებით, რომელიც პარლამენტმა მიმდინარე წლის 5 ოქტომბერს პირველი მოსმენით მიიღო, – ამის შესახებ საპარლამენტო უმრავლესობის წევრმა, გივი მიქანაძემ საარჩევნო რეფორმაზე საუბრისას განაცხადა.
„ასევე არის გამოთქმული გარკვეული რეკომენდაციები. ჩვენ სამუშაო ჯგუფის შეხვედრაზე დეტალურად განვიხილავთ ვენეციის კომისიისა და ეუთო ოდირის წარმოდგენილ დასკვნას. ვიმსჯელებთ რა დამატებითი ცვლილებები იქნას შეტანილი“, – განაცხადა გივი მიქანაძემ.
საქართველოს საარჩევნო კოდექსის გადასინჯვის საკითხზე დღეს სამუშაო ჯგუფის სხდომა გაიმართება. ხდომაზე დეტალურად განიხილავენ ვენეციის კომისიისა და ეუთო/ოდირის დასკვნას. სამუშაო ჯგუფის წევრები პროექტში ცვლილებებს შეიტანენ და მომზადებულ კანონპროექტს, მეორე მოსმენით, იურიდიულ კომიტეტს დასამტკიცებლად წარუდგენენ.