ხატია დეკანოიძე საპარლამენტო ფრაქცია „ნაციონალური მოძრაობის“ თავმჯდომარის თანამდებობას ტოვებს. ამის შესახებ მან ჟურნალისტებს საპარლამენტო მანდატების დატოვების თაობაზე თანაპარტიელების განცხადებების კომენტირებისას აღნიშნა. საუბარია ლევან ხაბეიშვილის განცხადებაზე, სადაც ის ამბობს, რომ მზად არის სააკაშვილის გათავისუფლების სანაცვლოდ უარი თქვან მანდატებზე პარლამენტსა და საკრებულოებში.
„ძალიან არ მომწონს როდესაც არის მხოლოდ განცხადებები და არ ხდება მის უკან არაფერი კონკრეტული ცვლილებები. ერთხელ და სამუდამოდ უნდა დასრულდეს პოპულისტური პოლიტიკა, რადგან პოპულისტურ პოლიტიკას მომავალი არ აქვს არათუ პარტიაში, არამედ ზოგადად. იმიტომ, რომ ვინმეს არ ეგონოს, მე რაიმე აზრის მანიპულაციას ვახდენ, ვაპირებ მივმართო პარლამენტის თავმჯდომარეს და დავტოვო ფრაქციის თავმჯდომარის პოსტი“, – განაცხადა დეკანოიძემ.