თუშეთში დაშავებული გელა სისაური თელავში სასაზღვრო პოლიციის ვერტმფრენით გადმოაფრინეს. აეროპორტში მას სასწრაფო დახმარების და სამაშველო სამსახურის ბრიგადები ელოდებოდნენ, რომლებმაც დაშავებულს პირველადი დახმარება ადგილზე აღმოუჩინეს.
გელა სისაურის გადმოყვანის ოპერაციას კახეთის გუბერნატორის პირველი მოადგილე ირაკლი შიოშვილი ესწრებოდა. მისი თქმით, შემთხვევა, რომლის შედეგად თუშეთის მკვიდრი გელა სისაური დაშავდა, ერთი კვირის წინ მოხდა, თუმცა რთული მეტეოროლოგიური პირობების გამო მისი ტრანსპორტირება მხოლოდ დღეს მოხერხდა.
დაშავებული ამ დროისთვის თელავის რეფერალურ საავადმყოფოში გადაიყვანეს. გელა სისაური ერთი კვირის წინ, საკუთარი სახლის კიბიდან გადმოვარდა და რამდენიმე მოტეხილობა მიიღო.
კომენტარები