“ერთიანი ნაციონალური მოძრაობის” ლიდერი ნიკა მელია აცხადებს, რომ პოლიტიკურ თავისუფლებასა და ავტორიტარული ერთფეროვნების ზღვარი რუსთავი 2-ზე გადის. შესაბამისი განცხადება ენმ-ს ლიდერმა “ეროვნულ დემოკრატიული პარტიის” ოფისში გააკეთა, სადაც საკოორდინაციო საბჭოს წევრებს შორის მორიგი შეხვედრა გაიმართა.
ნიკა მელიას განცხადებით, დამოუკიდებელი ტელეკომპანია საქართველოში მცხოვრებმა ნებისმიერმა ადამიანმა უნდა დაიცვას, განურჩევლად მისი პოლიტიკური შეხედულებისას.
“მართალია საკოორდინაციო საბჭო რუსთავი 2 -ის საკითხის გარშემო შეიქმნა, მაგრამ ეს არ არის მხოლოდ პოლიტიკური გაერთიანების საზრუნავი, “რუსთავი 2″-ის პრობლემატიკა ნებისმიერი ამ ქვეყანაში მცხოვრები ადამიანის პრობლემა და წუხილი უნდა იყოს. დღეს, პოლიტიკურ თავისუფლებასა და ავტორიტარული ერთფეროვნების ზღვარი გადის რუსთავი 2-ზე. მნიშვნელოვანია, რომ ჩვენი ოჯახის წევრებით, ბავშვებით, მეზობლებით , აპოლიტიკური ადამიანებით მივიდეთ აქციაზე, რათა დავგმოთ ერთი ადამიანის მიერ ყველაფრის შესყიდვა და მიტაცება”- განაცხადა ბიკა მელიამ.