გერმანული სპეცსამსახურები ჟურნალისტებს უთვალთვალებდნენ. ამის შესახებ გერმანული გაზეთი „შპიგელი“ იუწყება. გამოცემის ინფორმაციით, თვალთვალში როგორც ვიზუალური დაკვირვება, ასევე სატელეფონო საუბრების მოსმენა შედიოდა.
თვალთვალი „ბი ბი სის“, “როიტერის“ და “New York Times”-ის კორესპონდენტებზე ხორციელდებოდა. გერმანული გაზეთის ინფორმაციით, უცხოური მედიასაშუალებების მიმართ განსაკუთრებული ინტერესი გერმანიის სპეცსამსახურებს 1999 წლის შემდეგ გაუჩნდა.
საერთო ჯამში, გერმანული სპეცსამსახურები 50 ჟურნალისტის ტელეფონებს უსმენდნენ.
„ბი ბი სიმ“ ახსნა-განმარტებისთვის გერმანიის სადაზვერვო სამსახურს უკვე მიმართა, თუმცა პასუხი არ მიუღია.
კომენტარები