აშშ-ის ვიცე-პრეზიდენტის მაიკ პენსის განცხადებით, პრეზიდენტმა დონალდ ტრამპმა გამაგზავნა აღნიშნულ ტურნირში, რათა ნათელი მხარდაჭერა გამოგვეხატა საქართველოსადმი, მონტენეგროსადმი, რომ აშშ გვერდში უდგას მშვიდობისმოყავრე ქვეყნებს.
აღნიშნული განცხადებმა პენსმა Washington Post -ის კითხვის საპასუხოდ განაცხადა, სადაც ჟურნალისტი დაინტერესდა, რუსეთის თავდასხმის შემთხვევაში საქართველოზე, დაეხმარება თუ არა აშშ საქართველოს.
“ჩვენ ამას არა მარტო სიტყვიერად, არამედ ქმედებებით ვამტკიცებთ. პრეზიდენტმა ხაზი გაუსვა, რომ აშშ-ის კონინგენტი პოლონეთში, ბრიტანული, რომელსაც ესტონეთში შევხვდი, ეს კიდევ ერთხელ მატერიალურად თვალნათლივ ასახავს იმას, რომ ჩვენ ერთგულები ვართ ვალდებულებებსი მეხუთე მუხლის მოთხოვნების და 100-ათასიანი რუსული კონტინგენტის გადასროლა გახლავთ კდიევ ერთხელ იმის დადასტურება, რამდენად მნიშვნელოვანია ნატო-ს პარტნიორები ერთ პოზიციაზე იდგნენ. პრეზიდენტ ტრამპს და მე ღრმად გვწამს, რომ რუსეთთან უკეთესი ურთიერთობები შესაძლებელია და როგორც პრეზიდენტმა ბრძანა, ამას მომავალი გვანახებს. იმ სანქციებს, რომელსაც ამ კვირას პრეზიდენტი ტრამპი ხელს მოაწერს, ამის მეშვეობით ჩვენი ქვეყანა ნათელ გზავნილს განახორციელებს პარტნიორების მიმართ, რომ რასაც ვაცხადებთ, იმას ვაკეთებთ”, – განაცხადა პენსმა.
მისი თქმით, ტრამპი თვლის, რომ თავის დროზე, ამერიკის პოზიციის არამკაფიო განცხადების გამო შეიქმნა ეს რეალობა.
“ამერიკა ავლებდა წითელ ხაზებს და არ მიყვებოდა თავის განცხადებებს. ამან გაამხნევა ისინი, რომ ემოქმედათ. ჩვენ გამოვდივართ პრინციპით, რომ მშვიდობა, სიმტკიცე ჩვენ ქმედებაში და და დიალოგი მოგვიტანს უკეთეს შედეგებს და ხანგრძლივი კონფლიქტების მოგვარებას უკრაინაში და საქართველოში და მსოფლიოს სხვა რეგიონებში”, – აღნიშნა პენსმა.