კომპანია “მაგთი”-ს, რომელიც ქართულ ბაზარზე მსხვილი მოთამაშეა და ფაქტობრივად წამყვანი პოზიცია უკავია ინტერნეტ აბონენტები უყურადღებობაში ადანაშაულებენ.
საკითხი ეხება სატელეფონო ცენტრს, სადაც, მათი თქმით დაკავშირება ფაქტობრივად შეუძლებელია, რის გამოც ვერ ახერხებენ პრობლემის შესახებ შეტყობინებას. გარდა ამისა, ცნობილია, რომ ცხელ ხაზზე დარეკვა ფასიანია, რაც დამატებით ხარჯებთან არის დაკავშირებული.
ინტერნეტ აბონენტების განცხადებით, კომპანიასთან დაკავშირების შემდეგ ავტომოპასუხე რამდენიმე წუთის განმავლობაში უშედეგოდ ალოდინებს, შემდეგ უთიშავს, საბოლოოდ ოპერატორთან დაკავშირება ვერ ხერხდება, ხოლო აბონენტს თანხა ეჭრება.
“ვრეკავ და არ მპასუხობენ, 8 ლარი წამართვა საინფორმაციოს ლოდინში”– განუცხადა “მარშალპრესს” ერთ-ერთმა აბონენტმა. ბოლო პერიოდში უამრავი მომხმარებელი გამოთქვამს უკმაყოფილებას მაგთიკომის მიმართ, მათი თქმით, როდესაც ამხელა ამბიცია აქვს კომპანიას და ფაქტობრივად ქართულ საკომუნიკაციო მაგნატს წარმოადგენს, თანამშრომელთა რაოდენიბა აბონენტთა რაოდენობის შესაბამისად უნდა გაზარდოს.
ჩვენ დავინტერესდით თუ რა ღირს დარეკვა მაგთის სატელეფონო ხაზზე,ონლაინ ოპერატორმა განგვიმარტა, რომ მაგთის ქსელიდან ნომერზე 11 00 11 ზარი უფასოა, ხოლო სხვა ქსელიდან სტანდარული ტარიფი.