ერთიან ნაციონალურ მოძრაობაში შიდა განხეთქილება და კრიმინალური დაპირისპირება გრძელდება. ამჯერად პარტიის პოლიტსაბჭოს წევრებმა განსაკუთრებული სისასტიკით მათი ერთ-ერთი წევრი სცემეს.
ინციდენტი თბილისის ერთ-ერთ კაფეში მოხდა, ენმ-ის პოლიტსაბჭოს წერვებმა, ძმებმა, ბიძინა და გრიგოლ ხერხეულიძეებმა მძიმე ფიზიკური დაზიანებები “ნაციონალური მოძრაობის” წევრ გია მიქაბერიძეს მიაყენეს.
შელაპარაკება პოლიტსაბჭოს და პარტიის რიგით წევრებს შორის ფიზიკურ დაპირისპირებაში მას შემდეგ გადაიზარდა, რაც გია მიქაბერიძემ პარტიის პოლიტსაბჭოს წარმომადგენლებს მიხეილ სააკაშვილის მიერ გადმორიცხული ფინანსების შესახებ კითხვები დაუსვა.
პარტიის ფინანსების არასწორი განკარგვის შესახებ გამოთქმულმა პრეტენზიებმა გააბრაზა ძმები ხერხეულიძეები, პოლიტსაბჭოს წევრები ცნობისმოყვარე წევრის შეკითხვებმა შეჭმული ფულის შესახებ იმდენად გააღიზიანა, რომ გია მიქაბერიძე აღნიშნული დიალოგის შემდეგ მძიმე ფიზიკური დაზიანებებით საავადმყოფოშია გადაყვანილი. ინფორმაცია “მარშალპრესს” “ნაციონალური მოძრაობის” წევრმა მიაწოდა.
შეგახსენებთ, რომ “ერთიანი ნაციონალური მოძრაობის” ლიდერების, ნიკა მელიასა და ზაალ უდუმაშვილის მიერ შეჭმული პარტიული ფულის შესახებ ინფრომაცია რამდენიმე დღის წინ გავრცელდა, როგორც ჩანს მიმდინარე წინასაარჩევნო პერიოდში, არამიზნობრივად დახარჯული პარტიული ფინანსების გამო კრიმინალური დაპირისპირება “ნაცმოძრაობაში” კვლავ გაგრძელდება.