ადამიანის უფლებათა საპარლამენტო კომიტეტის თავმჯდომარის განცხადებით, იმისთვის, რომ ნარკოპოლიტიკის მიმართულებით შეთანხმება შედგეს, ძალიან ბევრი სამუშაო შესასრულებელი.
ამის შესახებ სოფიო კილაძემ იუსტიციის სამინისტროში განაცხადა, სადაც ნარკომანიის წინააღმდეგ ბრძოლის უწყებათაშორისი კომისიის სხდომა მიმდინარეობს.
„ჩვენი მთავარი მიზანია, ახალი ნარკოპოლიტიკის შემუშავება, რომელიც დააბალანსებს სხვადასხვა მიმართულებებს ნარკოპოლიტიკის კუთხით.
ამაზე დიდი ხანია მიმდინარეობს მუშაობა, მაგრამ ეს იმდენად რთული საკითხია, ჯერ კონსენსუსის მიღწევა ძალიან გაჭირდა. დიდი იმედი მაქვს, რომ აქტიური მუშაობის შედეგად მივიღებთ ისეთ ნარკოპოლიტიკას, რომელიც მისაღები იქნება როგორც საზოგადოების სხვადასხვა ჯგუფისთვის, ასევე, რა თქმა უნდა ჩვენი ეკლესიისთვის, პატრიარქისთვის და საპატრიარქოსთვის“, – განაცხადა სოფიო კილაძემ.