საქართველოს საგარეო საქმეთა მინისტრის მიხეილ ჯანელიძის განცხადებით, გერმანიისა და საფრანგეთის მთავრობების შეთავაზებები მათ ქვეყნებში არალეგალურად მყოფი მოქალაქეებისადმი, ძალიან მნიშვნელოვანი შესაძლებლობაა.
„ეს პროგრამები არის ძალიან მნიშვნელოვანი შესაძლებლობა ჩვენი მოქალაქეებისთვის, რომლებიც არალეგალურად იმყოფებიან ევროკავშირის წევრ ქვეყნებში, რათა ისინი დაბრუნდნენ სამშობლოში. მათ ხელს უწყობს, როგორც გერმანიისა და საფრანგეთის მთავრობა, ასევე ჩვენი მთავრობაც, რომელსაც აქვს სპეციალური პროგრამები რეინტეგრაციის რეადმისირებული პირების ინტეგრაციის და მათთვის საქართველოში შესაბამისი პირობების უზრუნველსაყოფად. მე კიდევ ერთხელ მოვუწოდებ ყველა ჩვენს მოქალაქეს, რათა მათ ვიზალიბერალიზაციით ისარგებლონ მხოლოდ დაშვებული პირობებით, ხოლო სხვა ყველა შემთხევაში, ისარგებლონ იმ ყველა შესაძლებლობით, რომელსაც სთავაზობს როგორც ჩვენი პარტნიორი ქვეყნების მთავრობები, ასევე, საქართველოს მთავრობა“, – განაცხადა მიხეილ ჯანელიძემ.