ღამის ეკონომიკის განვითარების პროექტის ხელმძღვანელის, სერგი გვარჯალაძის განცხადებით, ქუჩის მუსიკოსებს დასჭირდებათ დოკუმენტი, რომელიც მათ ქუჩაში დაკვრის უფლებას მისცემს. ამის შესახებ ინფორმაციას “ინტერპრესნიუსი” ავრცელებს.
გვარჯალაძის თქმით, ქუჩაში ძალიან ნიჭიერი მუსიკოსები დგანან, მაგრამ არიან ადამიანები, რომლებიც მუსიკოსები არ არიან, რაც „ვნებს არა მხოლოდ ჩვენი მოქალაქეების ყურს, არამედ ტურისტებზე არასასიამოვნო შთაბეჭდილებას ახდენს.
რაც შეეხება ღამის საათებში ხმაურთან დაკავშირებით კანონის აღსრულებას, გვარჯალაძე ამბობს, რომ პირველი ივლისიდან ხმაურის მონიტორინგი ზედამხედველობის სამსახურის ფუნქციებში გადადის.
მისი თქმით, აკუსტიკის ერთ-ერთი საუკეთესო სპეციალისტი იყო თბილისში ჩამოსული, რომელმაც ხმაურის გამო ყველაზე კრიტიკულ ადგილები შეისწავლა.
“პირველი რეკომენდაციაა, რომ რესტორნებმა მუსიკის ხმას უნდა ჩაუწიონ, ხმამაღალი მუსიკა აფრთხობს კლიენტებს, დღის ნებისმიერ მონაკვეთში. არის ადგილები, ღია კაფეები, სადაც ერთგან უკრავს დიჯეი, მეორეგან ცოცხალი მუსიკა. ქალაქის ისტორიულ უბნებში გვაქვს რამდენიმე კერა, სადაც მოსახლეობას, ამავდროულად, მცირე სასტუმროებს და ჰოსტელებს ექმნება სერიოზული პრობლემები. არსებობს საკითხები, რომლებიც საკანონმდებლო დონეზე უნდა რეგულირდებოდეს.”, – აცხადებს გვარჯალაძე.