ახალი პოლიტიკური ცენტრი – „გირჩის“ ლიდერი ზურაბ ჯაფარიძე მთავრობის მიერ სამინისტროების რაოდენობის შემცირებას სწორ ნაბიჯად აფასებს.
მისი თქმით, ამ სტრუქტურულ ცვლილებებს შეუძლებელია არ მოჰყვეს ბიუროკრატიული აპარატის შემცირება, თუნდაც მცირედით, რაც ასევე სწორია.
„სამინისტროების რაოდენობის შემცირება სწორია. გაერთიანებების უკან რა რაციონალიც გააჟღერეს, ლოგიკურია. მთავრობის ადმინისტრაციული ხარჯის დაფიქსირება მშპ-სთან მიმართებაში სწორია („გირჩს“ ჰქონდა მსგავსი ინიციატივა 1.5 წლის წინ). ამ სტრუქტურულ ცვლილებებს შეუძლებელია არ მოჰყვეს ბიუროკრატიული აპარატის შემცირება, თუნდაც მცირედით, რაც ასევე სწორია.
ამავე დროს:
მცირე და შეზღუდული მთავრობა არ არის მხოლოდ სამინისტროების რაოდენობა. მთავარი და ყველაზე მნიშვნელოვანი, არის მთავრობის მთლიანი ხარჯების, ანუ ნაერთი ბიუჯეტის მოცულობის შეფარდება ეკონომიკის მოცულობასთან. ეგაა შესამცირებელი მნიშვნელოვნად და ჩასაბეტონებელი კონსტიტუციაში. სწრაფად მხოლოდ ასე გვეშველება“,– წერს სოციალურ ქსელში ზურაბ ჯაფარიძე.