7 ნოემბერს ნიკა გვარამია პროკურორი რომ იყო და მას რომ არ მოეწონა „იმედის“ სარედაქციო პოლიტიკა, ადგნენ და შემოვარდნენ სპეცრაზმით „იმედის“ ტელევიზიაში და ქვა-ქვაზე არ დატოვეს ამ შენობაში, – განაცხადა გადაცემაში „ღია ეთერი“ იურიდიულ საქმეთა კომიტეტის თავმჯდომარე არჩილ გორდულაძემ.
„ახლა ამბობს [გვარამია] რომ ის მედიები, რომელიც „ნაციონალურ მოძრაობას“ არ მოსწონს და რომლებიც თავისუფალ სიტყვას წარმოადგენენ, გაჩერდეს.
ახლა საშუალება არ აქვთ სპეცრაზმის გამოყენებითა და ნიღბიანი ადამიანებით შემოვარდნენ ამ მაუწყებელში, მაგრამ რისი საშუალებაც აქვთ ეს არის, რომ სამართლებრივი საფუძვლის გარეშე „იმედის“ დახურვის რეალური მიზანიც რაც არის, იმას მხარი დაუჭირონ.
ხელისუფლებაში რომ მობრუნდნენ, ისევ სპეცრაზმით შემოვარდებიან, რომ ამ ქვეყანაში თავისუფალი სიტყვა არ ისმოდეს“, – აღნიშნა გორდულაძემ.
