მუსიკოსმა და მსახიობმა გიორგი გაჩეჩილაძემ (უცნობი) ტელეკომპანია „იბერია“-ს გადაცემაში „ფაბრიკა“ „ქართული ოცნებისა“ და „ნაციონალური მოძრაობის“ მმართველობაზე ისაუბრა და პარალელები გაავლო. გაჩეჩილაძე თვლის, რომ წინა ხელისუფლებისგან განსხვავებით დღევანდელი მმართველი ძალა ხალხის ხმას უსმენს და შესაბამისად რეაგირებს კიდეც.
„ღირსების ამყრელი დრო გავიარეთ. ეს არ იყო მხოლოდ ის, რომ ვიღაცებს ციხეებში აწამებდნენ, კონკრეტული ადამიანები იყვნენ ვინც ეს სიტუაცია გაიარა და ეს ყველაზე დამთრგუნველი იყო და ეს დღეს აღარ არის, რაც ძალიან ბედნიერებაა.
ხალხი რომ ქუჩაში გამოდის, ეს ხელისუფლება ნაბიჯებს დგამს, ხალხთან შემხვედრი წინადადებებით მიდის და ესეც ძალიან მიხარია, რაც უდიდესი მონაპოვარია.
მე არ მახსოვს სააკაშვილის პერიოდში ელემენტარული რამე დაეთმოთ, აი, რამდენი მოთხოვნა იყო, უმრავი ადამიანი დიდი ხნის განმავლობაში ქუჩაში იდგა, გაყალბებული არჩევნებიდან დაწყებული… ყველაფერი იყო, მაგრამ ერთხელ უკან არ დაუხევიათ. დღეს ეს ხელისუფლება ხალხის გამოძახილზე რეაგირებს, ეს უკვე ძალიან დიდი მონაპოვარია და მგონია, რომ ხვალ კიდევ უკეთესი იქნება“, – ამბობს გაჩეჩილაძე.