ქუთაისის საკრებულოში მომხდარი ფიზიკური დაპირისპირების ფაქტზე შინაგან საქმეთა სამინისტრომ გამოძიება დაიწყო. შსს-ს განცხადებით, სისხლის სამართლის საქმე 126-ე მუხლით დაკვალიფიცირდა, რაც ძალადობას გულისხმობს.
საკრებულოში დღეს რთმანეთს უმრავლესობის წევრი იმედა საღინაძე და “ნაციონალური მოძრაობის” დეპუტატი გია უკლება დაუპირისპირდნენ.
არსებული ინფორმაციით, დაპირისპირება მერიის ოფიციალურ გვერდზე გამოქვეყნებულ შეცდომას უკავშირდება, რის გამოც მერია დაცინვის მიზეზი გახდა. დეპუტატებმა ოპონენტები დაცინვის გამო ცემეს. კერძოდ, გუშინ მერიამ გაავრცელა ინფორმაცია სკვერის განათების შესახებ და მიუთითა, რომ ნიკო ნიკოლაძის სკვერი განათდა. რეალურად, სკვერი იაკობ ნიკოლაძის სახელს ატარებს, რის გამოც მერიას ოპოზიციონერმა დეპუტატებმა საკუთარი ქალაქის ისტორიის შესწავლისკენ მოუწოდეს.