დღეს, თელავში, ერეკლე მეორის სასახლეში საქართველოს არჩეული პრეზიდენტის სალომე ზურაბიშვილის ინაუგურაცია გაიმართება.
ინაუგურაციის ცერემონია ოფიციალურად 15:00 საათზე დაიწყება. თუმცა, ამ დროისთვის საკმაოდ დაძაბული ვითარებაა ველისციხეში.„ნაციონალური მოძრაობის“ ლიდერ ნიკა მელიასა და სამართალდამცველებს შორის დაპირისპირება მოხდა. ასევე აქციის ერთ-ერთი მონაწილე ხეზე ავიდა და აღარ ჩამოდის.
თელავისა და ყვარლის გზაგასაყარზე საავტომობილო მოძრაობა ამ წუთებში, აკრძალულია. საპატრულო პოლიციას გზა გადაკეტილი აქვს. სამართალდამცველები ადგილზე განმარტავენ, რომ ქალაქში მოხვედრა ყვარლის შემოვლითი გზით არის შესაძლებელი, ეს კი გზას დაახლოებით 40 კილომეტრით აგრძელებს. საავტომობილო გზის გადაკეტვას გაერთიანებული ოპოზიციის მხარდამჭერებისა და ადგილობრივების უკმაყოფილება მოჰყვა.