ჯანდაცვის მინისტრის დავით სერგეენკოს განცხადებით, დღეის მდგომარეობით 100 ათას მოსახლეზე ვირუსის 221 შემთხვევა ფიქსირდება, რაც მინისტრის თქმით იმას ნიშნავს, რომ შემთხვევებიზ რაოდენობა გაიზარდა.
“ეპიდემიურ მზადყოფნა ჰქვია 100 ათასზე 450 შემთხვევას და მასთან მიახლოებულები საბედნიეროდ არ ვართ. მოსახლეობის მხრიდან აუცულებელია შესაბამისი რეკომენდაციების შესრულება. გრიპს ახაიათებს სწრაფი დასაწყისი, მაღალი ცხელება, თავისა და სახსრების ტკივილი და ასეთ შემთხვევაში თვითმკურნალობის ნაცვლად აუცილებლად უნდა მიმართონ ექიმს. ასეთი ნიშნების გამოჩენისას ჯობია რომ დარჩნენ სახლში, და გამოიძახონ ექიმი”, – განაცხადა ჯანდაცვის მინისტრმა დავით სერგეენკომ.
რაც შეეხება გამოძახებას, მინისტრის თქმით, სასწრაფო დახმარების ექიმები მომზადებულები არიან გადაუდებელი შემთხვევის მართვისთვის, ხოლო ოჯახის ექიმები – გრიპის შემთხვევების მართვისათვის.
“ამიტომ აუცილებელია ოჯახის ექიმს მიმართონ და არა სასწრაფო გამოძახებას”, – ამბობს მინისტრი.
რაც შეეხება ვაქცინაციას, ჯანდაცვის მინისტრი განმარტავს, რომ ფასიანი და უფასო ვაქცინაცია არ არსებობს:
“სახელმწიფო ყიდულობს მაღალი ხარისხის და უფასო ვაქცინებს და ვაქცინები არის მიმართული იქეთკენ, რომ ბავშვთა კალენდარი იქნას შესრულებული, რათა ბავშვი მთელი ცხოვრება დაცული იყოს ამ დაავადებებისგან. ეს ვაქცინაცია არის უსაფრთხო და ყველას ვთხოვთ, რომ დაიცვან ვაქცინაციის კალენდარი. კლინიკები მზად არიან მაღალი მიმართვიანობისთვის. მნიშვნელოვანია მოსახლეობამ დაიცვან ის რეკომენდაციები რასაც დარგის სპეციალისტები აწვდიან”, – განაცხადა დავით სერგეენკომ.