ქრისტიანული სამყაროს ნაწილი შობის დღესასწაულს აღნიშნავს. საზეიმო წირვა-ლოცვა დღეს გამთენიისას, რომის პაპმა ფრანცისკემ ვატიკანში, წმიდა პეტრეს ტაძარში აღავლინა. ლიტურგიას უამრავი ადამიანი ესწრებოდა.
საშობაო მიმართვაში პაპმა მთავარი აქცენტი მშვიდობასა და სიყვარულზე გააკეთა. სადღესასწაულო წირვა- ლოცვა აღევლინა ბეთლემშიც.
მაცხოვრის დაბადების ადგილას მსოფლიოს ყველა კუთხიდან ათობით ათასი პილიგრიმი შეიკრიბა. საშობაო ლიტურგია რომის კათოლიკური ეკლესიის პატრიარქმა აღავლინა, მანამდე კი დასავლეთ სანაპიროზე შობის დღესასწაულისადმი მიძღვნილი კონცერტი გაიმართა.
მორწმუნეებმა იმედი გამოთქვეს, რომ მომავალი 2019 წელი მსოფლიოს მშვიდობასა და ჰარმონიას მოუტანს. მშვიდობასა და კეთილმოსურნეობაზე ისაუბრა დიდი ბრიტანეთის დედოფალმაც.
ელისაბებ II-მ საშობაო მიართვისას ყურადღება ურთიერთპატივისცემის მნიშვნელობაზე გაამახვილა. შობა აღინიშნა ამერიკის შეერთებულ შტატებშიც.
დღესასწაულზე დონალდ და მელანია ტრამპებმა ბავშვების სატელეფონო ზარებს უპასუხეს და მათ ბედნიერი მომავალი უსურვეს.
მაცხოვრის შობის დღესასწაული მსოფლიოს მრავალ ქვეყანაში აღინიშნა. სადღესასწაულო ცერემონიებში მონაწილეობას ათასობით მორწმუნე იღებდა.