აჭარაში 48 წლის ქალს, რომელიც გუშინ გარდაიცვალა, ლაბორატორიულად H1N1-ის ვირუსი დაუდგინდა. მას ქრონიკული დაავადებებიც აღენიშნებოდა, რამაც მისი ჯანმრთელობის მდგომარეობა გაართულა. კიდევ ერთი გარემოება, რის გამოც, შემთხვევა ფატალურად დასრულდა, გვიანი ჰოსპიტალიზაცია იყო.
ამ ეტაპზე H1N1-ის ვირუსით 6 დადასტურებული შემთხვევა ფიქსირდება. რეანიმაციაში მკურნალობას 20-ზე მეტი ადამიანი გადის, თუმცა სამედიცინო დაწესებულებებში მიმართვიანობამ იკლო.
რაც შეეხება წითელას ინფექციას, აჭარაში სულ 9 შემთხვევა გამოვლინდა, აქედან დადასტურებულად მხოლოდ ერთი ითვლება.
კომენტარები