ხურვალეთში, რუსმა ოკუპანტებმა სათვალთვალო კოშკის დაამონტაჟება დაიწყეს. ამ წუთებში მავთულხლართების მეორე მხარეს საოკუპაციო რეჟიმის წარმომადგენლები იმყოფებიან. მათ ადგილზე მძიმე ტექნიკა მიიყვანეს.
სახელმწიფო უსაფრთხოების სამსახურის ინფორმაციით, აღნიშნულთან დაკავშირებით ინფორმირებულია ევროკავშირის სადამკვირვებლო მისიაც.
„საოკუპაციო რეჟიმის მიერ ხურვალეთის მიმდებარე ოკუპირებულ ტერიტორიაზე სათვალთვალო კოშკურის აღმართვასთან დაკავშირებით არაერთხელ იქნა გააქტიურებული ცხელი ხაზი, ინფორმირებულია ევროკავშირის სადამკვირვებლო მისია.
აღნიშნული საკითხი მწვავედ დადგება 8 თებერვალს, ინციდენტების პრევენციისა და მასზე რეაგირების მექანიზმის შეხვედრაზე ერგნეთში“, – აცხადებენ სახელმწიფო უსაფრთხოების სამსახურში.
კომენტარები
