ბათუმში, 72 წლამდე მამაკაცი, სავარაუდოდ, ე.წ. ღორის გრიპით გარდაიცვალა. როგორც კლინიკა “მედინას” ექიმები აცხადებენ, პაციენტი საავადმყოფოში რამდენიმე დღის წინ, მძიმე მდგომარეობაში მიიყვანეს. მამაკაცს გრიპის ვირუსი და პნევმონია აღენიშნებოდა.
თუმცა ის ფაქტი, რომ მისი გარდაცვალება H1N1-მა გამოიწვია, ჯერჯერობით, ლაბორატორიულად დადასტურებული არ არის. აჭარის საზოგადოებრივი ჯანდაცვის ცენტრში აცხადებენ, რომ ეს ლაბორატორიული ანალიზის შემდეგ გახდება ცნობილი.
კომენტარები