ეს ის გზაა, რომელიც თავის დროზე დღევანდელმა წარმატებულმა ქვეყნებმა აირჩიეს, – ამის შესახებ უმრავლესობის წევრმა, ირაკლი მეზურნიშვილმა განაცხადა.
ირაკლი მეზურნიშვილის თქმით, ძლიერი განათლება ძლიერი ეკონომიკის საფუძველია.
„მთლიანი შიდა პროდუქტის 6 და ბიუჯეტის 25 პროცენტი ის მაჩვენებელია, რომელსაც 10-15 წლის პერსპექტივაში საქართველოს თავისი ადამიანური კაპიტალით წამყვან ათეულში გაიყვანს. მსგავს გარდამტეხ მოვლენას ავტომატურად მსოფლიოს ინოვაციური, მრავალმილიარდიანი კომპანიების საქართველოში დაფუძნება და ქვეყნის სოციალური მდგომარეობის რადიკალური გაუმჯობესება მოჰყვება. ეს არის პრაქტიკა, რომელიც გაიარა ისრაელმა, იაპონიამ, ესტონეთმა და მრავალმა სხვა წარმატებულმა ქვეყანამ.
ძლიერი განათლება ძლიერი ეკონომიკის საფუძველია, ამიტომ ამ მიმართულებით სოლიდური რესურსის გამოყოფა ერთადერთი სწორი გადაწყვეტილებაა“, – განაცხადა უმრავლესობის წევრმა.