პარტია “ქართული ოცნების” თავმჯდომარემ, ბიძინა ივანიშვილმა ტელეკომპანია იმედის ეთერში, გადაცემაში “პირისპირ” მოსამართლეთა უვადო დანიშვნის საკითხზეც ისაუბრა. როგორც მან აღნიშნა, მურუსიძე-ჩინჩალაძის გვარებმა სწორედ იმიტომ წამოიწია წინ, რომ ისინი ერთ-ერთი პირველები დაუპირისპირდნენ “ნაციონალური მოძრაობის” რეჟიმს.
“ასოცირება ისეთია, თითქოს მურუსიძემ მოკლა გირგვლიანი. მურუსუიძის გვარს ვერ ახსენებ, როგორც კი მისი სახელი გაიჟღერებს ეგრევე ასოცირება მოდის ტრაგედიასთან. როდესაც გუნდში ათი კაცის სია შევიდა, მე მახსოვს ერთი დეპუტატი ქალბატონი, რომელიც გამომყვა ამ მურუსიძე-ჩინჩალაძის თემაში, ვაჩვენე რატომ ებრძოდნენ ამ პიროვნებებს “ნაცები”. იმიტომ, რომ ესენი გადაუდგნენ პირველები იმ რეჟიმს, ამიტომ წამოიწია ამ ორმა გვარმა. თუმცა, ბოლოში რომ ჩავედით, თქვა, რომ მათ მაინც ვერ მისცემდა ხმას, რადგან ამბობდა ოჯახში როგორ შევიდე და ოჯახის წევრებს შევხედოო”, – განაცხადა ბიძინა ივანიშვილმა.
წამყვანის კითხვაზე – იყო თუ არა ეს დეპუტატი ეკა ბესელია ივანიშვილმა უარყო ეს ფაქტი. მისივე თქმით, “ნაცმოძრაობამ” ამ ორი გვარის ცუდ კონტექსტში წარმოჩენა მოახერხა.
“მურუსიძე-ჩინჩალაძის გვარებმა სწორედ იმიტომ წამოიწია წინ, რომ ისინი ერთ-ერთი პირველები დაუპირისპირდნენ “ნაციონალური მოძრაობის” რეჟიმს”
2019/04/09 23:43:12
ნანახია: 566 ჯერ