პოლიტიკაში რომ ხარ, არ შეიძლება შუბლის ძარღვი გაიწყვიტო. გირგვლიანის საქმის ჩაბრუნების შანსი სააპელაციოში მურუსიძეს მოუსპო იმან, რომ შავგულიძემ არ გაასაჩივრა საქმე აპელაციაში,- ამის შესახებ „პალიტრანიუსის“ გადაცემაში „360 გრადუსი“ პარლამენტის თავმჯდომარემ ირაკლი კობახიძემ განაცხადა.
კობახიძემ შალვა შავგულიძე ტყუილში დაადანაშაულა და აღნიშნა, რომ ის სარგებლობს იმით, რომ საზოგადოება იურიდიულ ნიუანსებში ვერ ერკვევა.
„პირველ ინსტანციაში იყო გამოტანილი განაჩენი 7 და 8 წელი მიესაჯათ, შემდეგ პრეტენზიის არსი მდგომარეობდა იმაში, რომ შავგულიძემ არ გაასაჩივრა ეს სააპელაციოში, გაასაჩივრა პროკურატურამ. კითხვა არ ჩნდება, რატომ არ გაასაჩივრა? პოლიტიკაში რომ ხარ, არ შეიძლება შუბლის ძარღვი გაიწყვიტო, გათვლა აქვს შავგულიძეს იმაზე, რომ საზოგადოება ვერ ერკვევა იურიდიულ ნიუანსებში. შავგულიძემ თქვა ტყუილი. შავგულიძემ ისეთი რამ გააკეთა, რომ პრაქტიკულად სპობდა სარჩელის სტრასბურგში წაღების შესაძლებლობას. გირგვლიანის საქმის ჩაბრუნების შანსი სააპელაციოში მურუსიძეს მოუსპო იმან, რომ შავგულიძემ არ გაასაჩივრა საქმე აპელაციაში“,- განაცხადა კობახიძემ.