საქართველოს პრემიერ-მინისტრი მამუკა ბახტაძე ამერიკელი სენატორის, რიჩარდ ლუგარის გარდაცვალების გამო მწუხარებას გამოთქვამს.
მთავრობის მეთაური სოციალურ ქსელ „ტვიტერის“ საკუთარ გვერდზე აღნიშნავს, რომ რიჩარდ ლუგარი საქართველოს გულმხურვალე მეგობარი იყო, რისთვისაც ქვეყანა მუდამ მისი მადლიერი იქნება.
„მსოფლიომ დაკარგა დიდი სახელმწიფო მოღვაწე, რომელსაც ათწლეულების განმავლობაში ამერიკის საგარეო პოლიტიკის ფორმირებაში მნიშვნელოვანი როლი ჰქონდა. სენატორი რიჩარდ ლუგარი საქართველოს გულმხურვალე მეგობარი იყო და სამუდამოდ დარჩება ჩვენს მეხსიერებაში როგორც ადამიანი, რომელმაც სამყარო უკეთესი გახადა. საქართველო მუდამ იქნება მისი მადლიერი”, – წერს მამუკა ბახტაძესოციალურ ქსელ „ტვიტერის“ საკუთარ გვერდზე.
კომენტარები