საქართველოს საგარეო საქმეთა სამინისტროში უარყოფენ ინფორმაციას, თითქოს ქართულ მხარეს უარი ეთქვა საქართველოს პრეზიდენტის, სალომე ზურაბიშვილის ამერიკის შეერთებულ შტატებში ვიზიტზე.
„ინფორმაცია, თითქოს ქართულ მხარეს უარი ეთქვა საქართველოს პრეზიდენტის ვიზიტზე აშშ-ში, არ შეესაბამება სიმართლეს.
პრეზიდენტის ვიზიტის განხორციელებაზე დიპლომატიური არხებით მუშაობა დაწყებულია.
ვიზიტის თარიღებზე საუბარი ჯერ ნაადრევია. დეტალები მოგვიანებით დაკონკრეტება, რის შესახებაც საზოგადოებას ეცნობება“, – განუცხადეს საქართველოს პირველ არხს საქართველოს საგარეო საქმეთა სამინისტროში.
კომენტარები