„გამწარებულ მამას ეპატიება”, – ამას ვინც ამბობთ, თქვენ ხართ არაადამიანები“, – ამ სიტყვებით ეხმაურება სახელმწიფო უსაფრთხოების სამსახურის ყოფილი მაღალჩინოსნის, სოსო (იოსებ) გოგაშვილის შვილი სოციალურ ქსელის მომხმარებლებს, რომლებიც მალხაზ მაჩალიკაშვილის მიმართ მხარდაჭერას გამოხატავენ.
ნინო გოგაშვილს მიაჩნია, რომ ადამიანებს, რომლებიც მალხაზ მაჩალიკაშვილს ამართლებენ, საკუთარი ოჯახიც არ უყვართ.
„გამწარებულ მამას ეპატიება” – ამას ვინც ამბობთ, თქვენ ხართ არაადამიანები. თქვენ არ გიყვართ თქვენი ოჯახი, თქვენ არ გიყვართ თქვენი შვილები და თქვენ ხართ ტერორისტის თანამოაზრე, ვინც ასე ფიქრობთ!!!! საქართველოს უსაფრთხოების სამსახურს რომ არ აღეკვეთა ეს ტერორისტული აქტი, რომ განეხორციელებინა ,,გამწარებულ მამას თავისი ფიქრები” და რომ მოვმკვდარიყავით ამდენი ადამიანი, მერე რას იტყოდით, უგულო ,,ადამიანებო”? თქვენი ოჯახი, თქვენი შვილები წარმოიდგინეთ ჩვენს ადგილას, მაინც აპატიებდით?!!! თუ აუცილებლად გვამები უნდა გენახათ, ამას ელოდებით???“, – წერს სოციალურ ქსელში ნინო გოგაშვილი.
შეგახსენებთ, რომ სახელმწიფო უსაფრთხოების სამსახურმა გუშინ ვიდეოჩანაწერი და განცხადება გაავრცელა, სადაც საუბარია მალხაზ მაჩალიკაშვილის მხრიდან სოსო გოგაშვილზე დაგეგმილ ტერორისტულ აქტზე.
სოსო გოგაშვილის შვილი: თქვენი ოჯახი, თქვენი შვილები წარმოიდგინეთ ჩვენს ადგილას, მაინც აპატიებდით?!
2019/05/08 18:52:32
ნანახია: 1848 ჯერ