სოფელ ხურჩაში, საოკუპაციო ხაზის გამშვებ პუნქტთან მოკლულ გიგა ოთხოზორიას ოჯახს ზუგდიდში საცხოვრებელი სახლი გადაეცემა.
როგორც ჟურნალისტებს დევნილთა და განსახლების მინისტრმა, სოზარ სუბარმა განუცხადა, საკითხი პრაქტიკულად გადაწყვეტილია.
„გვქონდა შეხვედრა გიგა ოთხოზორიას ოჯახთან. 7-სულიანი ოჯახი ქირით ცხოვრობს, უბინაოდ არიან. შევთავაზეთ რამდენიმე ვარიანტი. ერთ-ერთი ვარიანტი იყო, ზუგდიდში მშენებარე კორპუსში მივცემდით ბინას, შესაბამის ფართს ან სხვა ვარიანტი აერჩიათ. ოთხოზორიების ოჯახს მალე ექნება ძალიან კარგი სახლი ზუგდიდის ცენტრში, მათ მიერვე არჩეული“,-აღნიშნა სოზარ სუბარმა.
გიგა ოტხოზორია 2016 წლის 19 მაისს ხურჩაში, საოკუპაციო ხაზის გამშვებ პუნქტთან მოკლეს.
კომენტარები