პოლონეთში ვლადიმერ პუტინის კრიტიკოსის მკვლელობის საქმეზე საქართველოს მოქალაქე დააკავეს. ამის შესახებ ინფორმაციას პოლონეთის სპეცსამსახურების მინისტრ-კოორდინატორი, ტომაშ სემონიაკი სოციალურ ქსელში ავრცელებს.
“ბიალა პოდლასკაში რუსეთის მოქალაქის მკვლელობის საქმეზე, რომელიც მიმდინარე წლის ივნისში მოხდა, შიდა უსაფრთხოების სააგენტოს ოფიცრებმა მეორე ეჭვმიტანილი დააკავეს.
საქართველოს 22 წლის მოქალაქე ეჭვმიტანილია რობერტ კ.-ს მკვლელობაში ხელშეწყობასა და თანამონაწილეობაში.
სასამართლომ მას 3 თვით დროებითი პატიმრობა შეუფარდა.
გამოძიება გრძელდება და შესაძლოა კიდევ განვითარდეს”, – წერს სემონიაკი.
ცნობისთვის, საუბარია პუტინის კრიტიკოსის, სემიონ სკრეპეცკის (ნამდვილი სახელი – რობერტ კუზოვკოვი) მკვლელობაზე, რომელიც პოლონეთში საცხოვრებლად 2021 წელს გადავიდა.
აღნიშნულ საქმეზე, 18 ივნისს საქართველოს კიდევ ერთი მოქალაქე – 36 წლის ელნურ ა. – დააკავეს ვარშავის მახლობლად. სასამართლომ მას წინასწარი პატიმრობა შეუფარდა. მოგვიანებით, აგვისტოში, ინფორმაცია გავრცელდა, რომ ის კიდევ ერთ მკვლელობის საქმესთან იყო დაკავშირებული.
Funkcjonariusze #ABW zatrzymali drugiego podejrzanego w sprawie zabójstwa obywatela Rosji w Białej Podlaskiej, do którego doszło w czerwcu br.
22-letni obywatel Gruzji jest podejrzany o pomocnictwo w zabójstwie Roberta K.
Sąd zastosował wobec niego tymczasowy areszt na 3 miesiące.
Śledztwo prowadzi Delegatura @ABW_GOV_PL w Lublinie wspólnie z @PolskaPolicja, pod nadzorem @PK_GOV_PL.
Śledztwo ma charakter rozwojowy.— Tomasz Siemoniak (@TomaszSiemoniak) October 22, 2026