საქართველოს პრეზიდენტი სალომე ზურაბიშვილი გენერალურ პროკურორ შალვა თადუმაძეს შეხვდა.
საქართველოს პრეზიდენტის ადმინისტრაციის ინფორმაციით, სამუშაო შეხვედრაზე პრეზიდენტმა და გენერალურმა პროკურორმა ევროკავშირის დაწესებულებასთან (EUROJUST) სისხლის სამართლის სფეროში თანამშრომლობის საკითხები განიხილეს.
საქართველოს პრეზიდენტი 30 მაისს პროკურატურის დღესთან დაკავშირებულ ღონისძიებას დაესწრება. ამის შესახებ თანხმობა საქართველოს პრეზიდენტმა გენერალურ პროკურორს შეხვედრაზე მისცა.
კომენტარები