„როგორც ყოველთვის, უმეტეს შემთხვევაში, ოპოზიციის მხრიდან პოპულიზმი სჭარბობდა, მაღალი დოზით იყო“ , – ამის შესახებ ფინანსთა მინისტრმა, ივანე მაჭავარიანმა პარლამენტში დღევანდელი ინტერპელაციის შეფასებისას ჟურნალისტებთან საუბრისას განაცხადა.
„შესაბამისად, ძალიან პოლიტიზებულია ამ ტიპის შეხვედრები და ინტერპელაცია, თავისთავად. პრემიერმაც აღნიშნა და მეც მინდა აღვნიშნო, რომ უფრო შინაარსობრივი, თემატური უნდა იყოს და უფრო მაღალპროფესიულ დონეზე იყოს ოპონირება და მსჯელობა. კითხვები და პროცესი, როგორც განვითარდა, მაღალი პოპულიზმით ხასიათდებოდა, როგორც სჩვევია ოპოზიციას“, – განაცხადა ფინანსთა მინისტრმა.
პარლამენტში პრემიერმინისტრ მამუკა ბახტაძის ორი ინტერპელაცია შედგა. მთავრობის მეთაური პარლამენტში „ევროპულმა საქართველომ“ მიიწვია.
კომენტარები