დაკავებული კალანდიას მამა პირველ კომენტარს აკეთებს: ჩემი შვილის წინააღმდეგ მტკიცებულებები რომ ყოფილიყო, წელიწად-ნახევრის მანძილზე არ დაიჭერდნენ?!

ხორავას ქუჩაზე მომხდარი მკვლელობის საქმეზე დაკავებული მიხეილ კალანდიას მამა, თენგიზ კალანდია პირველ კომენტარს აკეთებს და აცხადებს, რომ მისი შვილი უდანაშაულოა
მისი შეფასებით, ხორავას ქუჩის საქმეზე მიხეილ კალანდიას დაკავება პოლიტიკურადაა მოტივირებული.
“ახლა პოლიტიკური ინტერესი არსებობს “რუსთავი 2- ის” მოთხოვნით. მტკიცებულებები რომ ყოფილიყო ჩემი შვილის წინააღმდეგ, წელიწად-ნახევრის მანძილზე არ დაიჭერდნენ?! არ ვიცი, ალბათ, პოლიტიკურად აწყობს ვიღაცას. არ ვიცი, ვის აწყობს”, – განაცხადა თენგიზ კალანდიამ.
შეგახსენებთ, რომ შინაგან საქმეთა სამინისტროს მიერ ჯგუფურად, დამამძიმებელ გარემოებებში მკვლელობის ჩადენის ბრალდებით, მოსამართლის განჩინებით, მიხეილ კალანდია დღეს დააკავეს.
დანაშაული გათვალისწინებულია საქართველოს სსკ-ის 109-ე მუხლის მე-2 ნაწილის „ბ“ და „ე“ ქვეპუნქტებით, რაც გულისხმობს ჯგუფურად, დამამძიმებელ გარემოებებში, დამნაშავისათვის წინასწარი შეცნობით არასრულწლოვნის ან უმწეო მდგომარეობაში მყოფის მიმართ ჩადენილ მკვლელობას