“ჩვენ იმ პოლიტიკურ ლიდერებსა და ფიგურებთან, რომლებც მოსკოვში დადიან ან კრემლის პროპაგანდაში მონაწილეობენ, არასდროს ვითანამშრომლებთ”, – ამის შესახებ “ევროპული საქართველოს” ერთ-ერთმა ლიდერმა, გიგა ბოკერიამ განაცხადა.
მედია დაინტერესდა, აპირებენ თუ არა ისინი თავდაცვის ყოფილ მინისტრთან ირაკლი ოქრუაშვილთან თანამშრომლობას.
„პირველ ყოვლისა, ოქრუაშვილის პარტიის შექმნა საერთოდ არ მიმაჩნია მნიშვნელოვან მოვლენად. რაც შეეხება თანამშრომლობას – არა! ჩვენ იმ პოლიტიკურ ლიდერებსა და ფიგურებთან, რომლებიც მოსკოვში დადიან ან კრემლის პროპაგანდაში მონაწილეობენ ან სიძულვილს და ძალადობას ქადაგებენ, არასდროს ვითანამშრომლებთ“, – განაცხადა გიგა ბოკერიამ.
თავდაცვის ყოფილი მინისტრი, ირაკლი ოქრუაშვილი ახალ პოლიტიკურ მოძრაობას აფუძნებს.
ირაკლი ოქრუაშვილმა პოლიტიკური მოძრაობის „გამარჯვებული საქართველოს“ პრეზენტაცია დღეს გამართა.
“ოქრუაშვილის პარტიის შექმნა საერთოდ არ მიმაჩნია მნიშვნელოვან მოვლენად”
2019/06/11 19:00:35
ნანახია: 518 ჯერ